तपशिल

• क. हाजिरी जवाफ प्रतियोगितामा एक विद्यालयवाट सहभागी हुदा कक्षा १० सम्म अध्ययनरत ३ जना छात्र-छात्राहरु सहभागी गराउनु पर्नेछ । एक विद्यालयवाट एक वटा मात्र समूह सहभागी हुन पाउनेछ।
• ख. यस प्रतियोगितामा सहभागी हुन इच्छुक विद्यालयहरुले आफ्ना ३ जना विद्यार्थीहरु र एकजना शिक्षक प्रतिनिधी छनोट गरि नाम सहित (प्रत्येक समूहमा १ जना छात्रा अनिवार्य हुने गरि) यो सुचना प्रकाशन भएको मितिले ३० दिन भित्र सम्पर्क गर्नु पर्नेछ ।
• ग. प्रतियोगिता चार राउण्डमा खेलाइनेछ। पहिलो र दोश्रो राउण्डमा सबै क्षेत्रबाट प्रश्नहरु पर्ने छन् भने तेश्रो राउण्डमा विभिन्न बिधाहरुबाट प्रश्नहरु रहनेछ। बिज्ञान-प्रविधि तथा गणित, समसामयिक विषयवस्तु, खेलकुद, जलवायु परिवर्तन तथा वातावरण, भाषा साहित्य (नेपाली + अंग्रेजी), भुगोल, र इतिहास लगाएतका विधाहरु रहनेछन ।उल्लेखित विभिन्न विधाहरु गोलाप्रथाद्वारा प्रत्येक समूहलाई छुट्याइनेछ। समूहलाई आफुलाई परेको विधा अनुसार उत्तर दिनुपर्ने हुन्छ। अन्तिम राउण्ड rapid fire रहेनछ । जसमा १ मिनेट भित्र १० वटा प्रश्न सोधिनेछ ।
• घ. पहिलो र दोश्रो राउण्डका प्रश्नहरु एउटा समूहले नमिलाएको खण्डमा अर्को समूहलाई पास हुनेछ भने तेश्रो र चौथो राउण्डका प्रश्नहरु अर्को समूहलाई पास हुने छैन । पहिलो र दोश्रो राउण्डमा प्रश्न छान्ने पहिलो समूहलाई ३० सेकेण्ड समय दिइनेछ भने अन्य समूहलाई १० सेकेण्ड मात्र दिइनेछ ।
• ङ. प्रतियोगितामा प्रथम हुने समूहलाई प्रमाण पत्र सहित नगद रु. दश हजार, दोश्रोलाई सात हजार र तेश्रोलाई पांच हजार पुरस्कार राशी रहेको छ । सम्पुर्ण सहभागी बिद्यार्थी तथा विद्यालयलाई प्रमाणपत्रको व्यवस्था रहेको छ ।
• च. प्रतियोगिता संचालन गर्ने क्रममा कुनै बिषयमा द्विविधा/मतभेदको अवस्था आएमा आयोजकको निर्णयनै अन्तिम निर्णय हुनेछ ।

सम्पर्क: फेसबुक पेज facebook.com/dream100org, इमेल quiz@dream100.org वा नम्बर ९७४-८७०-३८३०